بسم الله الرحمن الرحيم ( البداية )

كان حلم كان خيال
كانت مجرد آمال
مكنتش أتخيل لكن كنت أتمنى 
وطبعاً التمنى مع الاصرار بفضل الله أكيد هتحقق الآمال
حلمت أشوف بلدى أم الدنيا زى ما كنت بسمع من يوم ما اتولدت 
وكان هو ده الحلم إلى حرك الجبال جبال الخوف جبال الشك جبال الرعب الى عششت فينا 
وكانت دايماً بتقف حاجز بينا وبين كلمة الحق كلمة واحده كان كل الناس بيقولوها وكأنها هيه الى إتكتبت علينا وبس
( خلينا ناكل عيش ونعيش وملناش دعوه بحد )
لما جانى وقت حسيت إنه خلاص مفيش أمل بس إزاى لسه الامل فالله دايماً موجود لانه سبحانة موجود وعالم بكل شيء
كنت بدعى بقلبى وبعيونى وبكل جوارحى ما عدا لسانى كنت بصراحة زى ناس كتير بخاف وأهلى على كده عودونى
ملناش دعوة بالسياسة دى مش شغلتنا وخلينا فأكل عيشنا
طيب وبلدنا وحياتنا ربك عالم وبيستر علينا كلمات بسيطة لكن كانت مسكنات لأسألة كثيرة تدور فى كل خاطر
هنعمل إيه هو إنت إلى هتغير الكون وكانت فعلاً وجهة نظر لانى شايف بعيونى ناس كتير على هذا الطريق ماشيين ولنفس الكلام مرددين طيب أنا يغلبان هروح فين وكل الى بيكلم بيروح معرفش فين 
كانت كل الحياة ماشية بس للمجهول وكنت دايماً شايف غمامه سوداء أمامى الوطن ساير ليها ومش عارف هيوصل فين
وهسيبكم دلوقتى وأرجعلكم بعدين أنتظرونى بإذن الله راجعلكم